Kodi i Etikës përcakton rregullat e sjelljes profesionale për të gjithë ata që janë pjesë e FBBFK-së. Ai vlen për sportistët, trajnerët, gjyqtarët, anëtarët e Bordit dhe të komisioneve, stafin teknik, mjekësor dhe administrativ, klubet anëtare dhe për këdo që merr pjesë në aktivitetet zyrtare të Federatës.
Kodi u miratua nga Bordi Ekzekutiv dhe hyri në fuqi në mars 2023. Qëllimi i tij është t’i njoftojë të gjithë me politikat dhe procedurat e etikës, me shkeljet e mundshme dhe me rregullat e paanshmërisë, në mënyrë që të ruhen integriteti i sportit dhe besimi i publikut te Federata.
Çka përmban
- Fushëveprimi: kush i nënshtrohet Kodit dhe kush konsiderohet zyrtar i Federatës.
- Parimet e etikës: integriteti, respekti dhe dinjiteti njerëzor, pranimi i dallimeve, përgjegjësia dhe llogaridhënia, ndjenja e komunitetit dhe përgjegjësia qytetare.
- Detyrimet e përgjithshme: mbrojtja e interesave dhe e vlerave të Federatës, ndershmëria, paanshmëria dhe ruajtja e fshehtësisë.
- Mosdiskriminimi: mundësi të barabarta për të gjithë, pa dallim gjinie, race, origjine, besimi, aftësie të kufizuar apo bindjesh politike.
- Konfidencialiteti: të dhënat personale përdoren vetëm për punën e Federatës dhe nuk u jepen të tretëve pa pëlqim, përveç kur e kërkon ligji.
- Ndalimi i çdo forme ngacmimi, përfshirë ngacmimin seksual, me përkufizim të qartë se çka konsiderohet i tillë.
- Konflikti i interesit: zyrtari e njofton Bordin Ekzekutiv dhe pret miratimin e tij para se të veprojë.
- Dhuratat dhe favoret: nuk kërkohen e nuk pranohen përfitime që ndikojnë në paanshmëri; lejohen vetëm mikpritja e zakonshme dhe dhuratat simbolike.
- Loja e ndershme: ndalohet manipulimi i rezultateve dhe pjesëmarrja në gara apo organizata që FBBFK nuk i njeh.
- Raportimi i shkeljeve dhe dispozitat përfundimtare; interpretimin e Kodit e jep Bordi Ekzekutiv.
Për klubet dhe sportistët
- Çdokush që i nënshtrohet Kodit ka të drejtë ta raportojë një shkelje te Bordi Ekzekutiv.
- Zyrtarët janë të detyruar ta raportojnë çdo shkelje që vërejnë, përmes zyrës së Federatës.
- Pjesëmarrja në gara që nuk janë të miratuara nga FBBFK është shkelje e Kodit.